畢業前韓國首爾8人行之DAY 1 part2.

網誌日期：2011-01-16 01:42

行呀行呀~終於到了仁寺洞了~
仁寺洞係一個充滿藝術氣息既地方~靜靜地~都幾舒服
但始終又係遊客區...賣d野都有d貴~
行行下俾當地電視台追住我地呀..........係咁拎個cam影我地

甜蕃薯幾好食~最衰凍左.......


之後去南大門~~d野平d......似似地深水埗~

第一次食炒年糕..好辣呀!!


哩間係旅遊書推介既...紫菜專門店~
但好貴囉........10000won一包大既~我覺得係呃遊客錢!!因為之後去超市只需4000won - 6000won一樣size!

食左個玉桂燒餅!!好好味呀!!!哩個一定要encore架喇下次~
其實周圍都有~唔淨係南大門先有既~
超市有得買一盒盒粉同料黎自己整架...!!

之後去明洞了........一個購物天堂!!行呀行...都買左大部份想買既人~
其實本身冇諗住黎~點知太多時間...唯有第一日就黎埋啦!!

dinner time~食明洞餃子........
上菜好快!!落完單就立刻上前菜...唔夠5mins d主菜都黎埋!!!
係韓國食飯真係唔坐得耐架......會趕人走咁...


哩個綠色既冷面好好食~不過好辣!
吃飽就走了~因為今日實在行左太耐太累了......
係某個地鐵站見到哩個叫sweet manjoo既野~好好食架又係~似似地雞蛋仔~甜甜的!

返酒店附近的電話亭打電話返香港~~~~~~
8個人輪流打電話吸引左一個好奇的伯伯.......hahhaha

宵夜時間~!!試下d杯面先............
佢地話三養好食呀~橙色面個隻.......
另外黃色的芝士撈面都幾好食呀~~~


第一日完~
搭凌晨機既時間真係多到呢....我地由5am開始活動到around 9pm先返酒店~
行左好多路..好累好累呀!!!!