馬來西亞so relax 第五天要走了

網誌日期：2011-07-31 17:06

話說琴晚都幾早返到酒店, 今日又唔使好早起身..
所以琴晚我地就去左酒店既gym房做gym!!
一打開門已經見到有教養的陳氏一家在內..hahaha
於是我地兩家人就係gym房做運動做左成個鐘!!

今日係最後一日了...下午5點幾機返香港!
第一站係去朱古力專賣店...
馬來西亞既可可都好出名呢~~

朱古力專賣店隔離就有malaysia tourism centre..
即刻諗起歐洲既日子..因為我地每次去到新既地方第一樣野就係搵tourist information centre!!!!




依舊係聽員工介紹....
其實都係簡單講下咩朱古力最出名...最受歡迎!
佢話哩度既tirumisu朱古力係最受歡迎wor..........
但一試食已經唔覺有咩特別...味道都唔夠我o係paris食個隻咁正!!
反而咖啡味朱古力真係唔錯呀!買左d返去做手信個個都話好味bor...



我地買左榴槤朱古力, 木瓜朱古力, 咖啡朱古力, 士多啤梨朱古力同雜錦
其實間野既朱古力真係唔平架..但去到又冇理由唔買既..
你幫襯佢買朱古力佢仲會幫你pack晒所有野..包括你之前買既手信...唔o係佢個度買佢都會幫你pack埋..非常好!

下圖右邊舊野o係俾你張入場貼o個張貼紙走個陣痴返落去..
真係唔知為乜架...



o係朱古力專賣店出面可以望到雙子塔的~~~~


然後去了吉隆坡的times squares吃我們在馬來西亞的最後一餐lunch了~~



吃得哥火鍋呢~
Jackson說入到去千萬唔好講佢抄大家樂
佢話上次有團友咁講..俾得哥聽到..之後哦左成個鐘呀.......


有4款湯底, 3款料..自由配搭..
湯底: 粥底, 蕃茄魚湯, 冬蔭功, 沙嗲
料: 墨魚面, 海鮮, 牛肉
奉勸食唔到"so"味的人千萬不要叫牛肉!!!!!!!!!!!!!!
真係so到不得了..我地認為係羊黎的~


得哥既門口有secret recipe喔......但榴槤芝士蛋糕竟然賣晒了!!
問過好幾間都冇晒了.....試唔到..好可惜!

之後去最後一站了~太子城~
馬來西亞既政府陸續搬黎哩個衛星城市了~
遲d地鐵都會通車到哩度..........

哩度有間回教寺..粉紅色的~
唔講唔知..回教徒個姓係用爸爸個名架...所以佢地每一代都唔同姓架bor~
門口有架結婚車...Jackson話係皇親國戚黎架..睇車頭3個標誌就知道~
我地見到好多人陸續拎d gift呀..食物入去入面~


粉紅色好靚....!女士們係要著袍入內架...



亦都要o係門口除鞋...男女都要~



參觀過後...就要坐車去機場了~
我地一個大gip去...返黎多左2個大箱~hahhahah~



謝謝你呀Jackson~!!!!!希望下次去馬來西亞都會見到你~!!!



飛機上...嘈到痴線~
一d印巴藉既小朋友不停o係走廊走黎走去...又o係位到大叫大喊..
最過份係landing緊個陣佢仲o係走廊..
空少空姐們都已經返左去自己位準備landing...
真係危險到呢!!佢地父母又唔會緊張佢地架wor???
5日馬來西亞既野我終於打完.........
黎緊又要開始返歐洲既野了...30日既野...我究竟幾時先完成啦?