跟團遊 馬來西亞 前言

網誌日期：2011-07-17 18:08

暫時要放慢一下歐洲歷險記既進度....

同屋企人去旅行都會選擇跟團..
因為母親大人怕行怕曬怕麻煩..亦都哩樣又驚個樣又擔心..
跟團就最好不過!!
去馬來西亞唔係我既決定...
o係我身在西班牙既時候, 呀妹已經同我講佢地報左團去馬來西亞了..
好! 未去過...亦都非常鐘意去熱帶地方..都幾期待的!

今次我地首次跟永安旅遊!!
狄臣港、吉隆坡
錫器DIY、怡保迷失溫泉水世界五天豪華團

行程算係好輕鬆...領隊都話哩個係hea團!!專俾人relax的!!
雖然係跟團..但我自己都有做功課架~
有咩手信要買...有咩好食...有咩好行等等我都有mark好帶去~
不過好可惜...有時time constraint同埋天雨關係...自己做好既功課用唔著呢...
跟團既另一個麻煩就係團友問題!!
如果團友岩玩既話跟團真係好唔錯!!
幾年前跟團去泰國...團友非常好玩..
我地屋企5個人..加一對年輕夫婦..一對男性友人..仲有香港領隊..
晚晚都o係房傾計玩uno!!超開心呢...返到香港都仲有約出黎食飯!!
今次既團友.......一d真係一絕!!
我將會o係行程中加插一d團友們既事情..應該會有趣一點!

	day1 香港吉隆坡衛星城市～太子城(數碼港)布得拉回教寺(水上回教寺)布得拉橋首相府(遠眺)千禧紀念碑狄臣港
	day2狄臣港怡保怡保柚子園迷失水上樂園迷失溫泉水世界
	day3 怡保舊街場白咖啡老鋪怡保鹽焗雞吉隆坡錫器製作展覽工房錫器DIY朱古力專賣店雙子塔購物城
	day4 吉隆坡湖濱公園英雄紀念碑蘇丹皇宮獨立廣場國家博物館燕窩土產專門店下午自由活動(可代安排自費暢遊～“閃閃螢光”螢火蟲自然生態之旅)
	day5 吉隆坡【保證獨家】前往Kenko Reflexology & Fish Spa魚醫生(包30分鐘)全新Pavilion購物中心香港