12/7 星期二
搭12:50pm國泰飛吉隆坡..
10am就到機場了!
見到將會跟我地5日既領隊阿珊...
係一個廿到尾..好斯文...好細心既女仔!
國泰既飛機餐唔夠qatar好味wor~!
service都係qatar好d.....
經過四個鐘後...終於到左吉隆坡機場了!!
要搭無人駕駛去入境....
我地4個女人得一件大行李架咋..好方便~!!
過晒關,拎埋行李既時候...終於見到晒所有團友喇~
我地哩團總共有15位團友..來自4個family...
比我以前跟團既少呀....冇咁熱鬧..不過好處係等候時間少d, 旅遊車坐得鬆動d!!
先黎個簡單既人物簡介..
A組: 我地許氏4個女人
B組: 陳氏一家5口..父母加一對仔女同埋婆婆 (麻煩家族, 佢對仔女真係極品!!超曳)
C組: 陳氏一家4口..父母加兩個囡 (有教養的一家)
D組: 退了休的劉氏伉儷 (有文化和有善的夫婦)
哩個係我地既當地導遊~!叫jackson!佢都係姓許架!
非常後生..89年出世..做左導遊一年多d咋!
雖然經驗尚淺..但佢都做得非常好..做足功課!!問佢d咩都答到架!!
而且佢係華人..所以都好了解我地中國香港既文化..
亦都好風趣幽默!!!
去到吉隆坡..已經5點多d..出發去食晚餐!!
麻煩陳個細仔(8歲)開始現形喇..永遠都跑到最前..驚死執輸..
然後會大叫佢父母行返d..不停周圍走黎走去..不停嘈住晒...
海鮮餐...d蟹好好味!!!!
第一次感受到馬拉人既熱情呀..老闆好nice..不停用有限既英文同我地溝通~
食飽後仲係o個間鋪頭買雪條~
哩個牌子既雪條好好味呢...有4款味道..
紅豆,粟米,大樹菠蘿同榴槤!我試左我最愛的榴槤..
好濃既味道..仲有果肉o係入面添!!
然後出發去我地今晚既酒店!!!
The Legend Water Home~位於狄臣港
我地個團係入住貴d個隻Water Home..每間房入面都有私人泳池架!
高腳屋既外觀~!!
每間房都有兩張double bed~!!
張床大到3個成年人訓都唔會迫......!!所以我地4個訓埋同一間房lu
一開道門出去就係私人泳池啦~~~~
廁所同廚房都好大.......!!設備齊全!!
係廁所同廚房側邊個排木門..打開晒佢就會見到泳池...
舉行poolside party真係好正!!!!
房中地板仲有個玻璃位望到下面d水添..
浴室既用品仲係crabtree黎架添..
廚房有好多款飲料沖劑...有馬來西亞白咖啡!!
急不及待換泳衣落去私人泳池游返轉先~!!
沒有留言:
發佈留言