馬來西亞so relax 第二天上集

網誌日期：2011-07-17 22:56

13/7 星期三

琴晚俾d行雷嘈醒左好擔心第二日既天氣唔好!
一早起身天陰陰..但好在停左雨...!!

哩度既早餐都幾豐富~幾多款簡!!




食過早餐後我地出發去怡保了......
要坐4個鐘車!所以會有中途站俾我地去下toilet郁動下..
仲有d車仔檔賣土產..


上圖中間個男仔就係麻煩陳個細仔!!!
佢係4個鐘既車程入面不停玩座位側邊既扶手..製造嘈音...
連日黎佢都不停係咁玩哩樣野..d扶手俾佢整鬆晒..
更過份既係o係架車入面跑黎跑去...我地根本休息唔到...
佢父母可以完全唔出聲!!!最有問題就係佢既父母!!

怡保有好多華人架~所以好多人都識聽識講廣東話...
Jackson話馬來西亞人有句俗語話「怡保出靚女」!!
梁靜茹同楊紫瓊都係怡保人



到左怡保已經係一點幾..食午餐~
好在..我地食團餐係同有教養既陳氏一家坐...如果唔係餐餐對住麻煩家族真係會燥到癲!!!
食飽又上路了...去sunway集團的lost world...
哩度係lost world hotel..我地今晚會係度訓一晚!



放低晒d野就去玩lu...


哩度係lostworld既水上樂園~新開左兩個月架咋!!
所以哩度冇乜人...一個樂園黎講欠缺左一d氣氛...



可以行去溫泉區做spa...!
冇錯!!馬來西亞有溫泉~hahhahhahaha!!
其實係假架...人工溫泉黎既...熱水加礦物質!!

媽咪去左做spa....住客有9折discount~不過佢做完之後話麻麻地wor..
我地就繼續周圍行下睇下先...


水上樂園仲有一個機動遊戲區添...有海盜船, 飛天千秋個d...



睇完一輪..就換衫去游水啦!!
哩度有好多個locker...衰就衰在要俾錢!!唔係按金!!
入面租水泡個d通通都要額外俾錢架!!

locker 10蚊馬幣一個...冇銀仔可以用十蚊紙去部黃色機仔度唱..


玩左兩個鐘度..就玩晒個度d野....
未開晒之餘又唔使排隊..差唔多啦
我地就決定深入動物園睇下佢咩料...