馬來西亞so relax 第三天上集

網誌日期：2011-07-19 00:03

14/7 星期四

早餐係要去返水上樂園入口既右手邊度食既.......
冇咩好食..款少..有冇咩味......

再見了lostworld~希望你快d開晒你d設施啦!!
好掛住小狸貓呀...

出發去我地今日既第一站~怡保柚子園~
哩個柚子園係馬來西亞好出名架...上過晒報紙...係有機果園!

怡保碌柚好出名...個個都好大個!!
老闆好好人..好有笑容..周圍帶我地去睇佢d果樹..
除左碌柚, 仲有火龍果, 山竹, 楊桃, 青瓜仔, 九層塔等等....


睇完果園..就去佢鋪頭入面食碌柚啦~
白肉既就甜..紅肉既就酸甜..我地試食左白肉~真係比香港買既碌柚多水好多甜好多!
連平時唔係咁鐘意食碌柚既大妹都話好味wor!!

之後有團友發現左個度d柑個樣同香港見既唔同~
佢地個d係深啡色..好似熟到爛左咁既...老闆就俾左個我地試...
原來本身個樣真係咁! 入面唔係爛架..仲好鮮甜!



我地本身好鐘意食生果..所以即刻買左個碌柚同一斤柑~
好多團友都有買...有d仲買幾個碌柚添呀!
再下一站就係極樂洞!
Jackson冇講解..佢話想我地自己去感受..
佢並唔係唔識講呀..而係佢係一個好虔誠既佛教徒..仲代表過馬來西亞出去個d佛教研討會?個類既野...
佢覺得信仰既野講都冇用..要感受~



除左佛像..鐘乳石係另外一個特色...!
成個洞都係風化左好耐而成既鐘乳石....!哩舊石好似好多大水母~hahha


去飲怡保出名既白咖啡!
小女子本身係唔飲咖啡架...第一次飲就貢獻俾巴黎~仲要係expresso..
今次係第二次!!

old town white coffee係馬來西亞開到成行成市~
搭車都見到唔少分店! 我地黎哩間係老店黎架...全馬來西亞第一間old town就係佢!



白咖啡有凍有熱~
kaya面包有烘同蒸....烘既佢會suggest你kaya+butter!
白咖啡冇普通咖啡咁啃...甜甜地都幾香
我鐘意個烘多士呀~!!



臨走前我地買左一set 6罐既白咖啡同埋一盒classic的三合一白咖啡~
之後又係去食野...今日既lunch...就係芽菜雞!



d芽菜好鬼肥同短..唔同香港個d架...同埋硬身少少!
我覺得哩餐既重點唔係芽菜同雞..而係d河粉!!
哩度既河粉唔會索水架! 同埋好彈牙!!



Jackson問我地買唔買鹽焗雞...佢自己都買左兩隻返去俾吉隆坡同事!
就係安記前少少既萬里香!



我地同枱既兩個family都冇買..因為食得太飽..
但聽有買既團友講...的確非常好味....聽到真係有d後悔!
打緊哩篇blog既同時..我食緊怡保帶返黎既碌柚呀!!!