馬來西亞so relax 第三天下集

網誌日期：2011-07-21 21:10

食過芽菜雞..就向吉隆坡方向出發!!!
搭左好耐車呀又..終於到左哩度!!
就係今晚去睇螢火蟲既附近!
先o係哩度食個海鮮餐先....
Jackson話佢地當地人有時都會自己揸兩個鐘頭車入黎哩度食海鮮架

真係有好多海鮮食bor!! 魚蝦蟹走唔甩...仲有賴尿蝦, 鮮魷, 聖子!

馬來西亞版可樂~~~



哩個甜品好好味bor!!啡色既咖啡味最正!
個texture好似大菜糕咁...


一路睇住日落一路食好寫意呀~
一D都唔趕時間!因為我地要等到日落先可以去睇螢火蟲嘛!
我係戰鬥到最後既人!!hahha!!我超鐘意食海鮮!!
食完再行出去土產店買蝦片個d.....哩度比較平~~~

慢慢就入黑....我地都去到螢火蟲紅樹林喇!
哩度有兩間都有搞螢火蟲tour......
一間係坐船去..即係你坐係室內透過玻璃去望~
另一間, 即係Jackson帶我地去既哩間, 佢係坐艇仔既....有個艇夫划船既..
你可以伸手去摸下螢火蟲!!!即係下面poster咁呀..


8點鐘先開始會有第一隻船出去~
7點半已經有咁多人喇....哩張相既盡頭左轉都仲有人龍架
因為難得今日冇落雨!!



但係好好彩..d人去得好快..等左半個鐘就到我地lu~
著救生衣既同時又有d好氣慣既事情...

話說我地4個係排係麻煩陳家族前面..
有人拎救生衣俾我地..麻煩陳家族個死肥仔推開我地搶左一件...
我地4個入面..只有3個有救生衣..
而佢地一家5口只有個死肥仔有救生衣~但我地就上船喇wor?
點都係我地上先架啦?點你都要等埋你其他家人架啦?
小朋友唔識都算..佢父母點解咁都唔出聲..搶到件救生衣仲好興奮咁幫個仔著?
有冇諗過我地其實就係爭你個件衫我地就可以上船?
人地劉太見到我地爭一件都即刻好醒目咁除俾我地先..橫掂佢老公都未有救生衣..



終於著好晒救生衣...好臭架佢地
可以上船出發了....o個度唔可以影相架!因為怕嚇親d螢火蟲呀.........
船夫慢慢咁划..沿住紅樹林條河一路划..
周圍既樹已經滿佈螢火蟲喇!!!真係好似聖誕裝飾~~一粒粒閃下閃下
船夫仲特登划船埋去d樹度俾我地伸手摸佢地...
不過其實係摸唔到架..佢地太細粒太輕
大約半個鐘就回頭了
今晚o係吉隆坡既酒店Sheraton Imperial KL


部lift原來要插房卡架..真係大鄉里未見過~


間房都幾大~唔錯~!!!