瑪姬。快樂出走。世界: 馬來西亞so relax 第四集上集

網誌日期：2011-07-25 21:39

sheraton的早餐選擇很多!!!!!

但一拎相機出黎就俾職員話了.....所以影唔到.....
今日係吉隆坡市內遊~
第一站係皇宮~~唔可以入~係門口影左兩張相就走人
仲要落雨真係冇咩心機睇..

其實好似其他皇宮咁..有守衛係門口..佢地就一定做左model俾人狂影..
又落雨又人多都堆唔到去......
如果唔落雨既日子仲會有馬o係門口添..

跟住去國立博物館~~
都係睇下馬來西亞歷史咁...
行緊去哩度發生左件好好笑既事~
落緊雨, 地面濕..
麻煩陳個肥仔又要發揮佢驚死蝕輸行頭既本領..最終o係某條樓梯度"sin"低左..
個下我同阿妹真係笑左出黎..但又唔敢大笑..

多謝Jackson既演繹......其實去博物館冇人講解真係好痛苦
小女子身在歐洲個陣真係............睇博物館睇到眼訓到呢..
雖然識英文..但好多時真係睇完都唔係幾明...

下圖係馬來西亞自己生產第一架車!!!

英雄紀念碑~

外國人真係好玩..佢地跟住個石像黎做動作...
我地最多玩下哩d......哈哈~

這個是獨立廣場嗎??

很大的草地...如果唔係落雨我就訓左落去lu....

終於到左土產專賣店...又係俾領導導遊賺錢既時候
好多人用「呃錢」黎形容哩d鋪頭...
我認為大家都係搵餐飯食姐...d野岩質素ok咪買囉..大家開心~
同埋哩d土產店貨品質素真係唔差架! 起碼有得試食..好味先買~

間野叫嚦咕嚦咕~~~入面唔俾影相~
坐低聽佢介紹...又有得試飲肉骨茶~真心好味wor d肉骨茶!
最終都買左好多野...肉骨茶, 榴槤糕, 蝦片, 椰子餅等等...用左around 2百蚊馬幣~
lunch食咖哩魚頭煲同埋奶油蝦~
小女子好鐘意食魚頭...但係真係好鬼辣!!!!!(我本身係小小辣都唔係好食到既)
但係今次係連食開勁辣既呀妹都話辣!!!!真係不得了...
奶油蝦好味